Baarcha · Hannibal
شات بوت يفهم التونسي — Hannibal
Hannibal هو الموديل اللي يخدم في شات Baarcha. تنجم تحكي معاه بالتونسي، تطلب نص بالفرنسية، تسألو على تصويرة ولا تفسّرلو تطبيق ويب تحب تبنيه. فضاء التجربة يخليك تجرّب طلب، والشات يخليك تكمّل الخدمة وتصلّح النتيجة.
شنوّة تنجم تجرّب
- حضّر جواب لحريف بالمعلومات اللي عندك، وبعد راجعو قبل ما تبعثو.
- لخّص حكاية فيها تونسي وفرنسي وتثبت اللي المعنى ما تبدّلش.
- فسّر فكرتك لتطبيق، جرّب النتيجة واطلب تغييرات واضحة.
جرّب بمثال من عندك
- افتح الشات في فضاء التجربة وحطّ المثال اللي تحت.
- تثبت اللي التوقيت صحيح وما زادش عنوان ولا سعر من عندو.
- جرّب طلب فيه معلومة ناقصة وشوف كيفاش يجاوب.
- إذا باش تربطو بتطبيقك، اعمل مفتاح API واتبع المثال في الدوكيمونتاسيون. المفتاح يبقى في السيرفر.
مثال باش تبدأ
نحب نكتب رسالة قصيرة لحريف يسأل على توقيت المحل. المحل يحل من التسعة متاع الصباح للخمسة متاع العشية من الاثنين للجمعة. جاوب بالتونسي وبالحروف العربية. ما تزيد حتى معلومة على العنوان ولا الأسعار خاطر ما عطيتكش المعلومات هاذم.مثال باش تجرّب، موش نتيجة مضمونة.
شنوّة يلزم تتثبت منّو
الجواب ينجم يكون مكتوب مليح أما غالط. Hannibal ينجم يقرأ Tunizi، أما للإجابة بالتونسي اطلب الحروف العربية. ما نضمنوش كتابة Tunizi بطريقة موثوقة. التطبيق اللي يتبنى يلزمو تجربة ومراجعة قبل ما يستعملوه الكليان. تثبت زادة من الأسعار وحدود الاستعمال.
ورقة باش تقيّم النتيجة ↗